每個人的露宿原因都不同，「有頭髮邊個想做癩痢」，這是露宿者說得最多的口頭禪。年紀小至露宿媽媽湊着只有幾歲的小孩，年紀大至80歲的露宿老伯，有人露宿後一去不回頭，有人露宿中途找到出路，文仔這6年來便以過來人身分幫助露宿者。
記者：梁佩珊
33歲的江浩文（文仔），17歲開始露宿生活，10年來的露宿位置幾乎遍佈九龍，直至27歲結束露宿的日子，「瞓過觀塘碼頭3年、九龍城碼頭1年、尖沙咀文化中心幾個月，深水埗就楓樹街球場3年、欽州街西天橋半年、李鄭屋邨1年、油麻地果欄天橋底半年」。
當年文仔露宿始於家庭問題，因情緒問題一時承受不住家人財困，離家出走10年，被警察打過，被途人視作地底泥，「10年嚟，被警察打醒，定時定候叫你起身查身分證，政府洗街洗地清場，被灑臭粉，會有人話咁後生，做咩瞓街」。露宿10年，同伴間的相處尤如家人，成為難忘回憶，「印象最深刻係觀塘碼頭同楓樹街球場，露宿者係鍾意圍埋一個地方瞓，好似一家人咁，大家有傾有講，食飯一齊食」。
他坦言露宿生活並不好過，年少無所事事總覺無聊，「露宿每日生活就係朝早睇執返嚟嘅報紙，喺公園搵人吹水，周圍睇吓有冇散工，係無聊㗎」，其他露宿者一般都是執汽水罐或紙皮維生，不少年長的露宿者領綜援維生，年輕者如他會打散工，有些會吸毒不工作，「10幾年前我係露者者，呢幾年我係義工，見到嘅嘢好唔同，當年邊有咁多人派飯派物資，呢幾年先多咗團體關心露宿者」。