土耳其超聯球隊比錫達斯有位超級粉絲，就係已經年屆100歲嘅老婆婆露雅肯。婆婆大半生一直支持比錫達斯，不過最近身體有啲唔舒服要臥床，咁啱球會最近起緊新球場；婆婆話怕有生之年睇唔到新球場落成，比錫達斯會方就特登安排佢瞓住病床去睇興建中嘅球場地盤，但當然希望佢好好養病之後，遲啲可以精神奕奕咁再嚟呢度睇波喇。