林憶蓮前晚舉行一連四場紅館騷頭場，男友恭碩良擔任鼓手。全晚憶蓮換上多個造型示人，騷腿、露膊及大露背裝等，她更特別畫上幾個彩繪紋身，不過經過一晚勁歌熱舞，尾聲時其右手臂的紋身開始溶化。憶蓮唱到《為你我受冷風吹》時，一度感動落淚，她表示很開心可以和觀眾見面，事隔4年再在紅館開騷，今次所選的歌都是經過精挑細選。
憶蓮透露新廣東歌專輯以過去的童年、成長、青春期作為選歌方向，她唱出林子祥的經典歌曲《分分鐘需要你》時說：「歌詞好有意思，『鹹魚白菜也好好味』，諗番起𠵱家大家生活都過得好奢華，而我哋細細個食嘅菜好簡單，但係最有味道，呢種味道𠵱家食唔番，新專輯重新翻唱好多自己有感受嘅歌，香港喺我心目中好重要，港人更加需要搵番積極、樂觀嘅精神，向前繼續行。」
採訪：王連連
攝影：陳慧安
