郎才女貌又有演技嘅「有米」同「方方」結婚多年,兩公婆出親嚟都成焦點。雖然係圈中公認嘅一對,但間中都會聽到佢哋各有各玩嘅新聞。話說一次有米喺夜場識咗個火辣索女,雙方過電冇耐就公然拖女上辣跑,索女以為有米會帶佢去私竇玩埋下半場。點知入到屋就見到有米同方方嘅合照,先知原來係佢兩公婆個愛巢。索女同有米歡聚一夜後,第二朝起身竟然見到方方坐喺廳度,仲對住佢哋笑笑口問一唔一齊食早餐。索女梗係話唔使啦,但見佢兩公婆若無其事繼續閒話家常,就知佢哋關係已經去到爐火純青嘅至高境界。撰文:關仁