城中兩位富豪輪流發表對香港經濟和樓市的悲觀言論，對於刻下疲弱的經濟落井下石，間接令到同業開價和銷售增添了無形壓力，新盤未旺先疲，形勢大為不妙。
睇番長實（1113）和恒地（012）日前兩位主席對香港經濟發展的言論，李嘉誠指過去20年未見過經濟咁差；四叔則指樓價仲會跌多15%，最多累跌三成。兩位富豪最近一年賣了那麼多樓，長實分別有將軍澳緻藍天、將軍澳峻瀅2、大埔嵐山2期；恒地則有馬鞍山迎海系列、市區單幢樓，仲有部份非住宅物業。對於兩位大富豪而言，發展地產已變成不是主力，前者業務遍及全球，有電訊和科技等新興行業，大賺外幣；後者則有公用事業和其他酒店業務，當然地產乃穩定行業，不易叫他們劈價賣樓，正因業務多元化有其他盈利貢獻。但對於其他仍倚賴地產的同業則多謝佢哋唔少，一句說話令那些邊緣客縮沙，即使有能力買的也窒一窒步。
元朗朗屏8號實在過度自信，以為鄰近地鐵便可贏晒。誰不知鐵路效應失靈，除非價錢有競爭性，否則即使你在鐵路樓上甚或有千億基建在旁，買家亦不會在這段高危時間入市，除非你價錢夠平。
一日有梁振英在，樓市亦不會太容易回升，倒不如來一次玉石俱焚，整冧樓市，反而可能谷底回升。學四叔話齋：「樓價跌到驚先至會減辣！」
劉兆昌
資深地產傳媒人
http://www.HKLau.com