雖然已經讚過好多次，不過英國萬人迷碧咸（David Beckham）的確係一位無所不能嘅廿四孝老竇！今日佢老婆Victoria上載咗一張碧咸嘅相，相見到碧咸拎住針線，好專注咁縫製緊一樣嘢。唔係啊嘛，碧咸除咗型、踢波勁，拎針線都搞得掂，會唔會太完美？Victoria話碧咸幫緊愛女哈七（Harper Seven）嘅公仔縫緊件衫仔，碧咸好努力跟住說明書縫，專注工作嘅男人真係好有魅力。身為時裝設計師嘅Victoria都話為老公而驕傲！唔知碧咸身邊嘅灰色公仔，係咪件衫仔嘅主人呢？