張學友跟林嘉欣2002年在《男人四十》譜出不可告人的師生戀，14年後因緣際會再次相遇，合作電影《暗色天堂》，同樣踩界以宗教探討人性。不同的是上次嘉欣初出道，今日她貴為影后，更是人妻及人母。《暗》片另一亮點，是嘉欣為丈夫袁劍偉首次執導作品上陣，人夫除欽點嘉欣做女主角外，對戲中的親熱戲份，都任由嘉欣跟學友自由發揮。
撰文：曹家誠
電影《暗色天堂》劇本源自莊梅岩的得獎舞台劇《法吻》，嘉欣早前在銅鑼灣接受本報訪問時透露，早在2011年跟丈夫看過該舞台劇後，丈夫袁劍偉決意將故事搬上大銀幕，並欽點太太做女主角，她回想說：「莊梅岩同意畀我哋改編，仲交晒畀導演處理，始終舞台劇同電影係兩個完全唔同嘅劇本，創作期間除咗演員角色之外，我都有幫手做好多資料搜集。而且我都有同導演講，唔一定要由我做，但佢話寫呢個角色時已經係打算由我嚟做，因為覺得角色同我有一個共通點就係天真又倔強，所以我係最合適。」
親熱任發揮
至於學友就是嘉欣不二的選擇，她解釋說：「其實我第一次睇劇本後已經同導演話想學友做，我直覺佢好能夠發揮呢個咁複雜嘅角色，導演話梗係好啦，但我哋有冇咁嘅錢先？」緣份天注定，在數年沒有聯絡的情況下，嘉欣突然接到學友邀請拍攝MV，順理成章答應之餘亦向對方透露正籌備劇本，她說：「佢睇完劇本好鍾意，應承肯做男主角，但我同佢講仲未搵到老闆投資，點知佢好到幫我哋搵埋，基本上冇學友唔會咁順利。」
劇本用五年時間籌備到去年才能夠開拍，嘉欣感謝學友相助，她最印象深刻的一場戲，亦是兩人在山頂車廂內的熱吻戲，不過嘉欣笑說：「導演話唔想影響我哋發揮，所以就畀我哋自由發揮，唔畀意見喎。」之後袁劍偉真的差不多全程只是望着現場顯示屏。
對於老公初擔大旗，嘉欣除親身支持外，在創作過程中亦落手落腳擔任資料搜集，見證整個過程的嘉欣對丈夫的評語非常中肯：「佢嘅目標好清晰好單純，就係想拍電影，而且對拍攝佈景同道具都好有要求，即使明知觀眾未必留意到，但佢都覺得應該要做到最好。當然過程中佢都有攰嘅時候，我就會push番佢，相反我有好灰時佢都會提醒我，大家能夠互相扶持係好重要，始終電影條路唔容易行。」
學友應封帝
除了要讚好導演好老公，嘉欣對學友自然是讚不絕口，她說：「我好記得第一日開工，就喺教堂拍學友講道，然後即場食蘋果嗰幕，總共幾頁紙嘅劇本，通常第一日開工大家都要warm up下先進入狀態，但佢完全唔需要，一嚟到開工就好自如，佢講緊道時個個演員包括我都聽到好入神，好似佢真係一個牧師咁，又唔會NG，到佢做番CEO時又真係變咗兩個唔同嘅人，所以我希望今次最佳男主角係學友攞，多過想自己攞。」
袁劍偉羅生門
《暗色天堂》改編自莊梅岩的《法吻》，《法》劇曾獲第十五屆香港舞台劇獎最佳劇本，電影故事講述張學友為一跨國慈善機構總裁而兼任牧師，跟下屬兼教友的林嘉欣在山頂有法式接吻的舉動，鏡頭一轉嘉欣控告學友非禮，導致他身敗名裂，兩人在事發五年後相遇，你一言我一語的將當時的記憶拼湊成自己相信的事實。袁劍偉首次執導的作品以宗教及探討人性陰暗為題，有時真相未必越辯越明，大有日本電影《羅生門》的掠影。
場地：柏寧酒店
服裝：I.T
髮型：Hin Wan
化妝：Will Wong