賭王何鴻燊四房大仔何猷亨與無綫小花陳瀅拍拖不足一年，愛得甜蜜，而陳瀅更火速得到四太梁安琪歡心，日前更有份出席四太的生日派對。最近有報道指猷亨與陳瀅會閃婚，皆因賭王94歲急飲新抱茶，而四太愛錫陳瀅，更批准她入住名下的香島道獨立屋。
四太昨日身在外地回覆本報，笑指報道無聊：「冇件咁嘅事，佢哋兩個拍拖，我點會催，結婚就結婚，做乜要閃婚，如果係閃婚，你哋唔使問我，你哋問番佢哋兩個當事人，我就唔知有咁嘅事。」提到陳瀅已經入住香島道獨立屋，四太澄清：「細路仔拍拖，佢哋梗會來來回回，佢冇住喺度。」
採訪：唐如