【本報訊】銅鑼灣書店負責人李波回港僅1日，又在神秘黑超男護送下登車直往落馬洲返回內地，未能釋除有否跨境執法的疑慮。全國人大常委范徐麗泰指李波已親身澄清失蹤一事，「你唔信，我冇辦法令到你信」。行會成員葉國謙則表示不敢懷疑李波偷渡的能量。工黨李卓人反駁指李波的解答未能釋疑，要求港府繼續追查。
李卓人：勿當港人儍仔
全國人大常委范徐麗泰回應李波事件：「問題係當李波自己喺香港、喺傳媒訪問下去講佢嘅講法，有啲人又唔信；你唔信嘅，我冇辦法令到你信。」范又質疑李波被內地公安到港綁架的說法，反問「你話呢啲係咪真嘅邏輯」，又稱早在年初七已認為無證據顯示內地跨境執法，「當日我咁樣講，今日我都咁樣講」。
行政會議成員、民建聯葉國謙亦認為李波已清楚交代事件，「信者自信，不信者不信」，「你相信嘅就相信，係嘛？李波先生好清楚講佢係自願（偷渡返內地），你仲可以講到乜嘢呢？」又指其他說法純粹是大家的推論。他續說：「我對李波先生嘅能量不敢懷疑，禁書都咁容易入到去，好簡單之嘛，你香港咁長海岸線。」
工黨立法會議員李卓人則反駁指，「李波返香港後好多問題都唔敢答」，亦就建制派要港人相信他們的說法表示：「香港人心裏有數，唔好當我哋係儍仔。」李亦稱梁振英有責任向中央繼續跟進，望市民繼續施加壓力。
民主黨李柱銘亦指政府需跟進事件，因事件已非李波一人的事，而是全港都關注的重大事件。李又指李波的回應未能解開港人最大疑慮，又稱警方不能銷案，要繼續調查是否有人涉及綁架。
■記者葉偉東