【本報訊】李國章前晚跟部份學生會面時，指大學某些教師花時間處理政治事情，若是空餘時間沒問題，但如果在星期一的工作時間召開記者會便不恰當，令學院不會取得好的世界大學排名。港大教師及職員會主席張星煒指出，港大一直尊重教師彈性工作時間，合約也列明。
張星煒說：「我教書由朝早7點鐘教到夜晚9點半，咁點計？我做research（研究）做到12點點計？我哋冇佢咁叻，我哋真係要做research然後先有名。」
張星煒指李心存偏見
張星煒指大學教師要做研究寫論文，若只按朝9晚5上班，「嗰間學校真係執笠都得，一定排名跌到落地下，跌到貼地」。
張星煒認為李國章的說法是向教職員施壓，但不了解現況，「我諗佢遠離大學太耐，可能用自己幻想去評核，我覺得唔使太concern（關注）佢講啲嘢，佢離地太遠」。他強調教職員工會是捍衞院校自主和學術自由，「呢樣唔係政治，係學校嘅核心價值，我哋要保護、捍衞」，批評李國章心存偏見，「其實佢已經係有色眼鏡睇緊我哋」。
■記者王家文