剛剛榮升人妻的胡杏兒，前日在銅鑼灣出席自家婚紗品牌與首飾品牌店舉行的VIP活動，杏兒透露今年計劃在內地開分店，她笑說：「我哋𠵱家物色緊地方，我partner話生意好似BB咁，唔可以講生意好好，會小器，總之我哋要繼續努力啦。」造人方面，杏兒說：「我最少都希望生兩個，我都未知自己嘅心態係咪準備，不過佢畀好大信心我，佢好有堅持，唔識講，佢應該準備好。」
杏兒還表示婚後會平衡家庭、工作和生意，她甜絲絲地說：「都要問過老公，要尊重佢嘛，佢都畀我出埠做嘢嘅，加上佢大部份工作可以喺手機處理，有時間都可以陪我嘅。」至於有指她們夫妻檔合作開公關公司，杏兒說：「唔會喇，忙到咁仲做咁多嘢？」
採訪：盧妹
攝影：陳慧安