埃塞俄比亞部份地區旱災嚴峻。宣明會高級市務主任馬健華同高級傳訊主任商鳳燕上月到訪當地考察，了解最新情況。馬健華同八方講，今次旱災係近50年最嚴重一次，地旱成沙，好似香港啲沙灘咁，最難忘見過一名3歲小孩因天氣乾燥流鼻血，惹來蒼蠅蜂擁而至，但佢因飢餓連用手撥開蒼蠅嘅氣力都冇。
不過食水短缺問題原來仲嚴峻，唔少居民寧願將糧食換錢，再到村內買水。商鳳燕就話，最痛心看到居民到溪邊打水，但水面有泡和薄膜，太陽照射下出現五顏六色，而自己卻無能為力為佢哋提供乾淨食水。宣明會指，當地糧食危機已達綜合糧食安全階段分類（IPC）第四級，屬緊急級別，呼籲港人伸出援手。