HDMI手指型電腦都好賣過一排，不過用過的人會發現，速度慢係佢最大致命死穴！
腦場啱啱新返了一款微型電腦－－PIPO X6S（$1,599）！看賣相，第一眼好易誤認佢係Android小盒子，因為就機身尺寸，兩者真係差別不大，不過實質佢係一部不折不扣的Windoews 10電腦。
說硬件規格都幾強，處理器行Cherry Trail Z8300四核心（1.84GHz），須知這是Intel的Chipset新方案，就穩定性方面，對應Windows 10非常好，相對舊版的HDMI手指型電腦，在對應4K影片方面，佢都可以做到更順暢的表現，再加埋佢內置有4GB DDR3記憶體，整體運行表現可媲美一般入門級電腦；而X6S 的優勢在於佢似小盒子的機形，所以亦方便大家放在客廳影音櫃中，以HDMI連接家中電視作直接輸出。
至於擴展性方面，機身有兩個USB 2.0插口在機前、一個 USB 3.0設在機後，要連接不同的USB周邊器材都相當方便，不過Keyboard及Mouse就建議用機身內置的藍牙4.0作連接，這可以為你慳回兩個USB插口。
LAN插頭設計亦非常古怪，小小的機身之內，竟然同時配置有兩個！原來此機還有路由器功能，其中是一個輸入之餘，另一個是輸出埠；所以X6S在插LAN上網之餘，還可以用另一邊的輸出頭，接駁其它智能器材或電腦作上網用途，這點設計非常細心！如要簡單理解，就是你先用LAN線接駁上X6S，再以LAN OUT駁上Android小盒子，兩者就可以同時上網了；當然，如果你家中已有無線路由器，佢亦可透過802.11 ac/b/g/n（2.5G+5G）作直接上網。
硬碟設計亦非常有諗頭，機身已內置有64GB硬碟容量，不過如果有加大的需要，機底還預留了一個2.5吋硬碟插槽，可以隨時讓你加大記憶容量。
查詢：訊達科技（深水埗黃金電腦商場地庫63/67號舖）
記者、攝影：朱崇德
