日本女星藤原紀香曾經係性感Icon，近年佢被指身形相當飄忽，時瘦時脹令吸引力大減，上年紀香被指減肥導致E Cup上圍嚴重縮水。查實紀香同參演《半澤直樹》嘅歌舞伎男星片岡愛之助拍拖後，一直有傳二人會喺今年春天結婚，仲話紀香已當正自己係片岡夫人，早前出席活動時又暗示將組織家庭，佢話：「私生活方面，身為一個女性，可能會組織家庭，我希望令家庭變得十分幸福。」
紀香再婚消息似層層，話晒就快嫁入梨園界，打扮同作風當然要收歛不少，所以近期穿衣都比較密實。日前佢po咗去棒球中心練發球嘅照片，一身運動look嘅紀香禾桿冚珍珠，當佢一用力發球，就充滿動感地揈出佢嘅驕人上圍，隔住mon都睇到3D效果。