羅仲謙本周二在英國迎娶楊怡，雖然外表硬朗的他曾自稱不夠浪漫，但其實謙謙對楊怡極為體貼，30出頭的他對未來家庭甚有憧憬及計劃，近年亦表示要積極工作，賺錢買樓。
心只有你
本報發現謙謙的Instagram賬戶有逾8萬位追蹤者，但是他追蹤的就只有楊怡一個，這就是浪漫。
遮風擋雨
本月初謙謙出席電影宣傳活動時，應大會要求即場為另一半揀禮物，謙謙便為楊怡揀了一把雨傘，並謂：「我幫愛人遮風擋雨。」認真型到裂！
開枝散葉
於圍村長大的謙謙，今年1月在訪問中講明會生兒育女：「今年8月我32歲，話細唔細，加上我喺圍村大，好細個就知道人生嘅方向大概係點，搵份穩定嘅工，儲積蓄，結婚，生兒育女，跟住退休。」
去年睇樓
去年4月謙謙與楊怡被發現到緻藍天的紅磡售樓處睇樓盤，該樓盤主打三房及四房，實用面積逾700呎起，入場費603萬，但事後謙謙表示抽不中籤。
