羅仲謙和楊怡這段姊弟戀終於修成正果，於英國古堡完婚，謙謙舊愛傅穎昨在電話中表示：「恭喜他們！希望每個人都幸福快樂！」
而王浩信昨日出席活動時，恭喜謙謙娶老婆：「恭喜佢哋，如果有好嘅陪月會介紹畀佢哋！謙仔強健魄力、靈活腦袋，勝任有餘，唔需要分享生仔秘訣。」袁偉豪亦說：「恭喜謙仔，佢終於有今日喇！雀仔終於要降落，踏入人生另一階段，希望謙仔繼續為事業向前衝，阿怡減少工作，辛苦事等謙仔做喇！」反而楊怡的閨蜜樂瞳十分口密：「冇聽聞，新年問過佢幾時結婚，佢話『結婚實走唔甩你嗰份』，但我未收到通知。」另一好友梁麗瑩則說：「之前佢話同成家人去歐洲旅行，但唔知係咪呢段時間。」