拍拖或結婚久了，激情易乾塘。The Huffington Post早前調查如膠似漆、長年打風打唔甩的情侶，歸納出對方仍非常愛自己的九個憑證。以下九件事，如果另一半仍然會對你咁做，恭喜你，佢仍然勁愛你。
1. 大庭廣眾仍然拖實你
他在人前拖你的手，證明他想別人知你倆的關係。
2. 無啦啦攬住你
經過那些年，佢仍然忽然給你一個驚喜，證明他重視你。
3. 讓個電視遙控器畀你
睇乜，由你話事喎。西甲英超包青天姊妹淘都忽然好睇咗。
4. 叫你暱稱
BB豬好肉麻，肉麻都仲叫得出，佢困死在你五指山啦！
5. 去超市會記得買你喜歡的零食
搞掂對方個胃，融化佢個心。燒雞味薯片係鹹，但食落甜嘅喂。
6. 工作中仍會打畀你
做緊正經事都掛住你，仲有乜好質疑。
7. 仍然會同你講早晨
即係佢仍然好重視每朝起身見到你。
8. 同一款食物，食過N次，仍會讚你好手勢
要長期維持美滿關係，表達欣賞好重要。每次煮完佢都好似第一次食咁驚喜，煮嗰個都落多兩錢肉緊啦！
9. 當你想說話，佢會把注意力集中你身上
兩人交談視線無離開過電話，梗係唔合格啦，對方肯放低電話望實你，唔愛你點做到？
記者：葉青霞
資料來源：The Huffington Post