又到復活節！放足四日假！論節日氣氛，復活節雖不及聖誕節濃厚，不過食食復活蛋、聽聽聖經故事也開心。復活蛋，色彩繽紛，大人細路都鍾意。不過一來朱古力糖份高，多食無益；二來難得有幾日假期，可以全天候陪伴囝囝囡囡，當然要搞些親子活動才不浪費，就試做復活蛋吧。
雞蛋烚熟，剝殼備用。紫椰菜半個切開，加水同煮約三十分鐘。倒出煮好的水，就可以準備做復活蛋。紫椰菜水本來是深紫色，加檸檬汁變淺紫色；加蘋果汁變紫紅色；加蛋白變藍綠色。另外再用黃薑粉、豉油開水，就再有黃色、啡色兩款顏色水。把雞蛋放進不同顏色水中，浸1小時，完成。完成品緊記唔好一個人食清光，好易膽固醇過高，爸爸一隻媽媽一隻隔離屋明仔一隻，啱啱好。
記者：李聰
