被控同15歲少女發生性行為嘅前新特蘭中場阿當莊臣（AJ）月初罪成，當地法庭喺周四判刑，結果呢位俾「黑貓」炒魷魚兼且俾英足總褫奪國家隊「喼帽」嘅28歲英格蘭球員，被判入獄六年。可能早就預咗要坐監，所以喺犯人欄入面嘅阿當莊臣聽到判刑都冇乜反應，一啲都唔激動；而佢嘅代表律師就表示會就判刑提出上訴。搞𡃁仔𡃁妹向來係天理不容，家陣阿當莊臣入獄六年而唔係最初估計嘅10年，算係便宜咗佢。我求大俠希望阿當莊臣坐完監之後可以重新做人，咪再做埋呢啲衰嘢。