今季中超季前，唔少球會都以天價招攬外援加盟，28歲科特迪瓦前鋒謝雲奴亦係其中之一。佢由羅馬轉投河北華夏幸福，據報年薪有成500萬歐元（約4,300萬港元），而佢亦好知足，話收咗球會咁高人工，想將贏波獎金同隊友分享：「我同拿維斯等一班隊友商量過，想向球會建議將贏波獎金分畀一啲後備甚至冇份出場嘅隊友；始終我哋人工算唔錯，但其他中國隊友啲人工同獎金就有好大距離。」據報謝雲奴每場中超嘅贏波獎金，有成六萬歐元咁多。