貴租好難捱，搞到書都冇得睇？有11年歷史嘅開益書店旺角店，原定本月底結束營業，噚晚仲特別舉行告別派對（圖），同新舊客人預先講再見，但世事永遠𥧌迴路轉，原來……已經有白武士接手嘞！
年輕店主孫逸豪同八方講，開益開業11年，而香港樓上書店嘅經營，日益困難，加上租金等問題，先決定放棄繼續經營，但佢強調結業同李波嘅銅鑼灣書店事件完全無關，仲同時公佈好消息，話已經有漫畫發行人肯接手開益繼續經營，無論地址、商號、facebook等全部維持不變，連資深店長顏小姐，都會繼續做掌門人喎。
噚晚有幾十名年輕顧客及作者參加告別派對。馮先生形容開益賣書唔單止全年打折，最重要係店長、店員同顧客如朋友，希望大家多多支持樓上書店。