由宋仲基、宋慧喬主演嘅KBS人氣劇《太陽的後裔》昨晚播第10集，承接上一集，講到姜暮煙（宋慧喬飾）跟劉時鎮（宋仲基飾）跟黑市頭目Argus對峙，Argus中槍倒地，姜暮煙有諗過見死不救，不過劉時鎮就持相反意見，認為醫生嘅職責就係救人，最後姜暮煙都有成功救返Argus，軍人趕到之後亦將「鬼村」嘅孤兒帶返醫院治療麻疹。而上頭就表示要利用Argus，因此呢段時間內劉時鎮要避免跟Argus發生衝突，亦唔可以插手有關Argus嘅事。
之後，徐大英（陳久飾）跟劉時鎮收到女性朋友寄嚟嘅包裹，姜暮煙同尹明珠（金智媛飾）知道後即時呷醋發脾氣，兩個大男人被問到口啞啞，場面搞笑。
至於尹明珠（金智媛飾）跟徐大英（陳久飾）就繼續sweet，尹明珠仲幫徐大英抹防曬，好閃！不過當二人要咀嘴時，劉時鎮就用對講機搵徐大英，破壞二人好事！
此外，陳永壽科長想搭飛機走時，就被黑市頭目Argus捉走，不過劉時鎮跟徐大英（陳久飾）於關鍵時刻趕到，雖然劉時鎮再次跟Argus見面，不過佢最後放過對方。
而姜暮煙及尹明珠（金智媛飾）幫陳永壽科長做手術時發現佢染有M型病毒，係惡性瘟疫，而姜暮煙跟尹明珠就開始自我隔離，劉時鎮同徐大英知道後當然好緊張，去搵美軍拎疫苗，而報告中姜暮煙及尹明珠其中一人亦染上M型病毒，徐大英知道報告結果後即衝去攬實尹明珠，尹明珠就表示：「原來係我。」
下一集會講到尹明珠病發，而姜暮煙就被Argus捉走。