【iPhoneSE嚟喇】開訂市況直擊 先達普遍唱淡【iPhoneSE嚟喇】開訂市況直擊 先達普遍唱淡
iPhone SE開始預訂，4吋屏幕加外型和5s接近一樣，果農似乎不大看好，目前為止也沒有停止供貨，任訂唔嬲。付運日期為開賣日3月31日至4月2日，似乎已証明貨源充足炒唔起。記者到先達訪問手機店負責人，普遍唱淡，認為開賣當日回收價會低過公價，理由主要為6s、6s Plus機主不會轉機和平價機沒人會以炒價購入。
少數店主表示人棄我取之下，玫瑰金iPhone SE或有100至200元水位，Apple Watch當日推出前也乏人問津，但見街後場內沒貨就有人炒起。至於9.7吋iPad Pro，一致認為9.7吋版本iPad兩年未有更新，今次機能提升不少，但iPad已有多年未出現過炒賣情況，店主們預計回收價不會高開。
記者：司徒港燊、朱祟德
攝影：朱祟德
先有店舖以iPhone 5s的機殼標上SE字樣發售。
G World店主Lo哥：「其實部機公價係抵買嘅，但佢係部平價機，我諗無人會用炒價買。暫時未有內地收機價，收就一定會收，但我諗開賣當日都已低過公價。」
流動帝國店主阿基：「睇淡，應該會蝕300至500元，始終機能唔吸引，唔會好過6s、6s Plus，仲要用返更舊嘅5s外型。反而9.7吋版iPad Pro我幾欣賞，呢個尺寸方便拎出街。」
Phone Book店主阿堅：「個個唔訂反而可能有驚喜，當日Apple Watch都係咁，見街先知場內極度少貨，嗰時炒高接近一倍，SE玫瑰金機款我估都有可能有100至200水位。」