宇宙漿拎獎打扮真心令人眼界大開，但其實香港演藝圈打扮曾經出事嘅女星又豈止佢一位？回顧呢幾年，成為大家談論焦點嘅仲有佢哋。
一、鄭融
睇番2014至2016年，鄭融依然行鬼妹仔風格，本來香港人普遍都buy呢類型，出事位在比例掌握得麻麻，同一色系由頭着到落腳，冇咗條腰兼顯得腳短。
二、謝安琪
女神bb冇錯係靚女，然而衣着呢家嘢真係好蝦人，成日見佢出騷都揀厚重份量嘅gown現身，成個人臃腫晒，即使超透蕾絲都無補於事；玩structual稍一不慎着到似有身孕咁，小心啲啦！
三、容祖兒
講緊嘅當然唔係今時今日嘅天后，初出道時着住英倫風不規則連身裙加酒紅色掛頸上衣，無啦啦變咗五五身；再來一條露肩款one-piece配金色吋半踭高跟鞋，出事喇。
四、楊千嬅
潮媽千嬅出道至今打扮有極大進步，但都偶有失手。以前iconic紫色髮色加桃紅連身裙撞到嘭嘭聲；今年年頭一身藍色豹紋外套配joggers，係迎合sports chic潮嘅，敗筆在冇埋腰線，變咗蘋果身形。
記者：黃樂雯
