喺呢個國際賽期，加里夫巴利（下圖）獲准免役，唔使代表威爾斯對北愛爾蘭同烏克蘭，但一樣大把嘢做！因為佢前日喺instagram上宣佈又做老竇（圖），二女娜華啱啱出世，相信呢幾日都要湊吓女；而佢嘅大女叫艾比，已經三歲嘞。
另外，威爾斯國家代表隊與英國搖滾樂隊Manic Street Preachers合作，推出今夏歐國盃打氣歌，歌名可以譯做《團結更強》，唔少現役同前威爾斯國腳都會粉墨登場，但首歌好唔好聽，就要到五月發佈嗰陣先知。
