彈琴都有摩打手？健力士極速神手、匈牙利鋼琴家Peter Bence（圖）就做到嘞！呢位創下一分鐘觸動765次琴鍵嘅高手，復活節假期首度來港現場演奏，明日至28日喺MOKO新世紀廣場同香港音樂人及舞蹈團隊同台演出，用佢嘅摩打手送上耳熟能詳嘅電影金曲！
呢位擁有電影配樂學士學位嘅90後鋼琴家，來頭認真巴閉，4歲學琴、7歲已經創作第一首樂曲，曾經喺兩個享負盛名嘅電影配樂比賽My Great Film同The 8th International Composer's Competition電影配樂組中勝出。最出名當然係驚世鋼琴手藝絕技，2012年創下一分鐘觸動鋼琴鍵最多次數嘅健力士世界紀錄，高達765次嘅觸碰令佢獲封「極速神手」鋼琴家，今次來港顯功架！