祖高域日前話男球手嘅獎金應該多過女球手，呢番言論一出就惹起唔少爭議；包括梅禮同埋一姐「細威」莎蓮娜在內嘅一眾男女網球手，都忍唔住鬧呢位一哥性別歧視！細威直言祖高域令人失望，雖然後者現時只得一名17個月大嘅囝囝史堤芬，但細威就話好懷疑佢喺將來生多個囡嘅話，會點向囡囡解釋呢番重男輕女嘅言論。現今世界提倡男女平等，祖高域知道自己失言之後，都即刻喺社交網站公開道歉。