專業界別中，建築、測量及都市規劃界算是當年梁營票倉。城市大學建築科技學部高級講師潘永祥是提名者之一，梁執政將近4年，土地開發引起盲搶地批評。潘永祥認為，梁的房屋及規劃政策其實貫徹其政綱目標，以「走數」形容並不準確，只不過要推行「梁策」，實在不容易也非想像中順利。
有票也不提名梁
潘永祥直指，施政困難與特首的個性有關，「佢性格好急，覺得一件事係要做，就好快要見到成果。強勢下，官員唔太開心，民間亦未必接受」。梁班子治下，多項民生政策都有類似問題，「如果係其他老油條政客，有反對聲音就拖慢做，打個折頭減規模。但係梁執着，結果得罪唔少人」。
特首跑馬仔賽季又將展開，潘永祥未考慮會否再參選選委，並說就算有票也不會再提名梁，「我提名係以達致有競爭性選舉為原則，佢（梁振英）爭取連任實會夠票，傾向幫其他合理候選人」。至於投票時也不保證挺梁，「要睇晒成個Package，唔係有心有能力就得，都要睇埋政治手腕好唔好。做唔到社會和諧，有心做事都未必有用」。