前晚大熱攞完田總全年最佳女運動員獎嘅「長跑天后」姚潔貞，噚日朝就起程去英國卡迪夫，準備出戰周六世界半馬錦標賽，希望打破自己去年嘅1小時12分57秒港績，潔貞第一次去英國，佢話聽講比賽當日可能落雪，但就會喺香港時間黃昏起跑，所以唔太擔心時差，最希望唔好太凍就得；根據天氣預測，卡迪夫周六攝氏5至12度，落雨機會大過落雪。佢都喺fb寫話：「大家祝我好運吧！」值得一提係，潔貞係fb仲有一句話：「都多謝陳生嚟機場幫我影相。」唔使講，陳生一定係佢老公陳家豪啦。