張學友、林嘉欣、嘉欣的老公兼導演袁劍偉、黃秋生、羅蘭和周家怡昨晚在旺角出席電影《暗色天堂》的首映，袁劍偉在台上表示角色一早鎖定由太太飾演，嘉欣亦說：「男主角唔需要有靚仔包袱，要有人生經歷，仲要經過事業上嘅高低潮，所以最後覺得學友係一個好人選！」學友聽聞後笑說：「唔明乜嘢叫唔需要太靚仔？我都好有呢個靚仔包袱。」
撐女兒與男仔去街
嘉欣表示自己邀請了家人和朋友出席首映，但學友說：「我好少做呢啲嘢，工作還工作，亦都唔會之後一齊去睇，費事解釋咁多，始終呢套電影內容有爭議性嘅話題。」但假如她們偷偷去睇呢？他說：「如果佢哋真係偷偷哋睇咗，問到我咪講，我都想佢哋多啲問我嘢。」提到大女早前被人影到與男同學出街？學友說：「同啲同學去街好正常，佢冇帶過男友返屋企，我自己唔會驚。」
問他們在拍戲期間會否交流湊女心得？學友說：「我哋啲女年紀相差好大，嘉欣嗰套好似好有理論。」嘉欣笑說：「係呀，我攞咗牌。」學友還笑嘉欣將來不拍戲可以做教師，他更即場問對細女有否幫助，不過嘉欣說：「佢已經11歲，呢個年紀要尊重。」誰不知學友竟笑說：「我尊重咗佢好耐，但係佢冇尊重我！不過我講笑啫！」
此外，聲稱撐哥哥學友的張家輝，他大讚電影好好，香港需要多些文藝戲，問到他會否投資？他說：「做演員可以，如果製作要落重啲味精， 咁多年重口味，所以製作方面會加料！」至於會否將來與太太關詠荷合作？他說：「𠵱家嘅創作未有描述女人，如果有又合適，一定搵關詠荷做。」
採訪：卓寶花
攝影：陳俊強