魔迷今次有眼福嘞，曼聯噚日宣佈今夏將訪華（圖），喺暑假留喺中國大概八日左右，踢兩場比賽，但佢哋暫時未公佈賽程同對手。不過，曼城同多蒙特今夏都會嚟中國，唔通曼市打吡會喺中國上演，香川真司亦會喺中國倒戈？呢層真係要等紅魔有關方面宣佈嘞。曼聯上次喺2013年嚟過東亞，仲曾經作客過香港大球場對傑志。另外，英足總宣佈，韋斯咸對曼聯場英足盃重賽會喺四月六號舉行。由於嗰日係歐聯比賽日，相信英足總會被歐洲足協罰款。其實，之前侯城對阿仙奴場英足盃都破過例喺歐聯比賽日舉行，英足總大把錢，真係唔怕你罰。