【拆局】
雖然商務及經濟發展局局長蘇錦樑否認商台續牌有故意拖延，又或當中涉政治考慮，但有政界中人稱，去年已聽聞商台續牌一事在行會被「卡住」，現在特首梁振英終於放行，相信與近日政治形勢改變，中央要求促進香港和諧，令梁不得不批准續牌。
兩會後政治形勢改變
事實上，去年底已有立法會泛民議員質詢蘇錦樑，為何行會遲遲不公佈商台續牌結果。泛民議員私下得悉，早於去年5月通訊局已向特首提交商台及新城電台續牌建議，並建議按以往安排向兩個電台續牌，「但係份文件上咗行會就好似入咗黑洞，直到今日公佈，前後喺行會卡住成10個月，冇政治原因有人信咩？」
另一泛民中人指，按蘇錦樑昨公開說法，行會是完全接納通訊局就商台續牌的建議，想證明當中沒政治考慮，「但呢個說法正正洩露真相，如果行會完全接納通訊局建議，為乜行會仲要成10個月先做決定？唯一解釋係行會有政治考慮」，他估計兩會後政治形勢改變，中央要求特區政府促進香港和諧，「梁振英亦不得不改變佢嘅鬥爭手法，要對商台續牌放行」。
■記者莫劍弦