每個人心裏都有一座泥頭山，可惜差佬唔會咁諗，他們強行入屋搜查，懷疑每間屋都收埋一袋盜竊泥頭。泥頭有價，家有一袋，等於接贓，偷吓偷吓，坐地升呢，泥頭當豪宅斷呎計，貴過金撈！
倒泥頭這種行為，不同倒錢落海，泥頭越堆越高，泥頭山好比泥碼山，隨時埋藏筍嘢，「奪寶奇兵」再拍N套續集，在天水圍取景，絕不出奇。天水圍泥，嘉湖山丘（住客勁嬲），一堆成名。李安導演，真係見到，比斷背山更震撼啊。
拾泥不報，你條氣會順？鬼食泥又點計？問吓乜都唔做，蹺起腳篤手機等食長糧的吳得掂，他會答：「欲加泥頭，何患無廚！一於做大佢，泥頭山變豆泥山，在上面一邊欣賞天水圍悲情風光，一邊即製日本銅鑼燒，同學仔一定覺得好正！好靚！」
這個執泥不誤、視保溫暖壺為竊聽器的政府，圂養住爛泥扶不上壁的自己友，任憑百年老店這個香港品牌遭泥頭掩埋。土地問題，勿再拘泥，合該由梁特率領左到上心口的幕僚從七層高的泥頭山跳下來解決！