香港競走天后程小雅，噚日喺香港田總周年頒獎禮事先張揚好快可以參加里奧，最開心嘅當然係已確定參加里奧全馬嘅長跑天后姚潔貞，因為多個伴嘛。奪全年最佳女運動員獎嘅潔貞，今朝出發去英國參加半馬世錦賽，佢希望可以破到自己保持嘅1小時12分57秒嘅香港紀錄。攞到田總傑出運動員獎嘅程小雅，上星期日本亞錦賽20公里競走跑出1小時36分59秒，差59秒就達里奧標準，佢話練習嗰陣做過多次1小時35分以下，所以有信心往後會達標。