表明唔再競逐連任嘅立法會主席曾鈺成，牽頭籌組咗新智庫香港願景研究計劃，智庫仲拍短片（圖），搵嚟身任召集人嘅曾鈺成做主持，訪問各界人士，打頭炮嘅係全國政協常委唐英年。
查實唐唐同曾鈺成呢，都同特首選舉好有淵源，前者喺2012年特首選舉大熱倒灶，後者則喺表明有意參選特首後，坊間即時爆出佢有黑材料喎，最終兩位冇登上特區之首寶座，卻塞翁失馬遊戲人間，活得不知幾咁嘆。
鼓勵有心人出選
佢哋兩個喺節目中好鬼親暱，互稱Henry同鈺成，話題除咗香港願景，自然離唔開特首選舉。鈺成問Henry有冇啲忠告畀有心參選特首嘅人？Henry笑笑口講「下一套戲冇上一套戲咁好睇」，兩個人都哈哈大笑，Henry補充，因為上一套戲真係好熱鬧，然後又係一陣笑聲。
冇咁熱鬧係咪即係唔使選？鈺成問咗Henry呢個八方都好想知嘅問題，但Henry話唔係，只係提醒大家當時嘅花生斷晒市咁滯箒，但都鼓勵有心人出選，祝願下屆特區政府政通人和，構建和諧社會喎！