下月六號ViuTV正式開台，噚日一班體壇精英喺柴灣錄影廠宣傳新嘅體育節目《體育係……》，呢個由Keyman策劃嘅節目，下月七號開始逢星期一至五播出，嘉賓主席包括體操嘅黃曉盈（Angel）、劍擊余翠怡、花式足球施寶盛、長跑好手紀嘉文同足球黃耀富等，當中Angel同富仔俾班記者朋友講笑話係銀幕情侶，但富仔講笑咁話：「邊個受害呀？擺明個受害者係我啦！」