話說...上年11月區議會選舉Tree Gun同葛博士齊齊墮馬，網民熱播小鳳姐徐小鳳嘅《喜氣洋洋》贈慶，當時前無綫新聞主播呂秉權咁啱喺屋企附近嘅超市撞到小鳳姐，呂秉權仲大膽上前同小鳳姐傾Tree Gun落敗，又講佢喺潘源良演唱會震撼出場，仲話好多人喺fb like爆！
當時呂秉權仲大讚小鳳姐elegant得嚟又夠nice，傾到咁開心呂秉權要求同小鳳姐合照，不過小鳳姐就以冇乜打扮為由，拒絕咗。
事隔成四個幾五個月，呂秉權啱啱就係fb share咗張相就係佢一家同小鳳姐嘅合照。點解嘅？點解嘅？
原來上年向呂秉權嘅「合照承諾」，小鳳姐原來一直冇忘記，但尷尬嘅係，小鳳姐又唔記得咗嗰日同佢傾偈嘅人(即呂秉權)叫乜嘢名，所以一直都四圍問人呢位「熟口熟面」嘅主播係邊位，最後托人喺fb搵到呂秉權喇。
呂秉權昨日喺fb講番呢次奇遇，佢話:
「某天，有位新朋友在fb找我，說小鳯姐記得這承諾，問遍身邊人這個『熟口熟面』的人是誰？連月來透過人找我，希望兌現這個拍照的約定。
『真的嗎？』我問。
『真的』
『能否一家四口一齊映？』
『當然歡迎啦！』
結果，周日晚，小鳯姐與我們拍了照。
她真的一諾千金。」
67歲嘅小鳳姐，都比起細佢6年政府高層又話落區又盛，更有記性同口齒。