早前在2月21至3月13日連續七期賽事有馬贏之蘇保羅，雖然在上周三斷纜，不過剛周日贏番件「錶之勝」。
今期(23日)蘇保羅出馬貴精不貴多，只得三駒，不過當中「光芒再現」及「金碧旺旺」均於上仗掄元，有機會替馬房再取頭馬。
翻查紀錄，今季蘇廐共有五匹新勝馬列陣谷草賽事，取得一冠兩亞一季一殿佳績，證明馬房喜歡乘勝追擊，絕不會保留。
第八場三班1200米，「光芒再現」今季才出道，短短五個月內已取得三場頭馬，而且全由今仗騎師田泰安經手，打王牌續爭贏馬之谷草1200米，睇部署有添食之意，可成為蘇保羅今季首匹四捷馬。
至於第三場四班1650米的「金碧旺旺」，上仗改用快放戰略，結果在谷草C跑道1650米開齋，似乎已找到致勝竅門，今次等番谷草C欄贏馬路程才再出，或可如同主廐侶「金碧亮馬」般贏完再贏。