英國小天后Rita Ora來港，昨日相約李玟（CoCo）到中環Jin Juu午餐，身為餐廳老闆娘的CoCo專誠邀請倫敦店的主廚特別設計餐單，炮製炸雞給Rita品嚐，CoCo說：「今次係Rita搵我嘅，佢好鍾意去倫敦嘅Jin Juu，今次我哋第一次見面，我識晒佢嘅歌，佢喺台上好有爆發力，好有品味同個性。」CoCo表示正為《我是歌手4》的決賽準備，下月15日完結後將放大假休息：「忙足4個月，睡眠不足。」老公也感心痛，放假即努力造人？她笑說：「4月加9個月係咪1月？好喎！同我同一個月生日。」
CoCo為Rita準備特別餐單，Rita亦相當識做，一到達餐廳即與互相擁抱，合照時Rita禮貌地除去黑超，大方任影。
採訪：羅慧敏
攝影：陳慧安