出爐金像影帝荷李活巨星里安納度狄卡比奧（Leonardo DiCaprio），昨日嚟咗香港去灣仔會展睇Art Basel藝術展，同行嘅仲有一位戴住黑超、着樽領衫嘅女子，跟隨喺里安納度之後，仲一齊上車走，睇嚟關係非淺。細心啲睇，其實該同行女子有齊晒里安納度擇偶條件，就有擁有金髮及長腿喇。
里安納度差唔多個個舊愛都係同類型嘅，幾乎個個都都係模特兒。例如上任女友美國模特兒Kelly Rohrbach、上上任女友德國模特兒Toni Garrn，以及以色列名模Bar Refaeli與巴西名模Gisele Bundchen等。
近日里安納度未有公開嘅正印女友，不過女伴依然多。當里安納度拎完奧斯卡影帝之後，搞咗場私人派對，請埋英國女星Lauren Hutton玩到第二朝8點。