早前神州大地興起了「A4腰」熱，條腰窄過張A4紙的囡囡紛紛把相片上載到微博，以證自己腰肢何其纖細。強國這個怪風氣被外國勢力大罵，早前有些洋女就同樣拿着紙拍照還擊，並上載到Instagram，不過就唔係空白的A4紙，而係國力書院幫唔到人攞的「真‧畢業證書」！
沙紙撼白紙，梗係冇得輸。反對追求無謂身段認同的洋妞就覺得與其挑戰條腰幼過張紙，不如比教養、比善心、比責任感等等更有價值的東西。有網民留言：「其實中國女仔條腰幼係正常，因為佢哋可能一日三餐都無食真正食物，只係膠粒造的米、化學物料造的蛋，或者老鼠肉扮的雞。」喂，世事都被你看透，神回！
記者：葉青霞
資料來源：A PLUS
