衞冕嘅英國車手「黑帝」咸姆頓喺新一屆F1未能有個好開始，周日喺首站墨爾本屈居平治隊友兼死敵羅斯保之後，只得亞軍，不過無損佢嘅心情，好happy咁喺社交網站同墨爾本講拜拜之後，消息話佢會嚟香港走轉輕鬆吓，然後喺下月頭去巴林玩第二站比賽。有網友話歡迎黑帝再次嚟香港，仲希望有機會攞到佢嘅親筆簽名。如果想野生捕獲黑帝，可以去吓啲蒲點例如老蘭，話唔埋可以見到呢位世界冠軍。