球員應唔應該帶埋另一半（WAGs）去參加大賽，呢個議題各界都拗咗好耐，而威爾斯國家隊領隊高文好明顯係反對派，因為佢表明喺今夏法國歐國盃期間嘅分組賽階段，威爾斯球員嘅另一半同埋家人都唔可以喺威爾斯大軍嘅酒店出現，仲話連自己嘅太太都唔例外。不過，威爾斯主力加里夫巴利冇因此而唔開心，皆因佢好可能好快會加薪，因為有報道指皇家馬德里打算同佢續約兩年，周薪加至30萬鎊（約352萬港元）。