電盈旗下嘅免費電視ViuTV，有個名為《跟住矛盾去旅行》嘅綜藝節目令人好期待，除咗長毛v.s.曾鈺成，以及毛記「腦細」林日曦v.s.民建聯「元秋」蔣麗芸，其中一輯搵嚟近期喺區諾軒婚禮上搶到花球嘅前學民成員周庭拍攝，拍住政界中人尖啤劉夢熊遊日本。但周庭噚日話呀，原來拍檔已經換咗人，點解？皆因尖啤因為官司問題被關押，所以電視台就另外搵人頂上。
話明要有「矛盾」，相信同周庭會擦出「矛盾」火花嘅，應該係建制中人啦？無錯，新拍檔確實嚟自建制派，而且係一位男士，據知年齡上同周庭仲相差好多好多㖭（注意，周庭得19歲㗎咋！）
矛盾火花比尖啤更大
周庭話喎，節目組最初撮合佢同尖啤，係想對方嘅「愛國」同佢嘅「哈日」擦出矛盾箒；但聽完新拍檔人選後，相信矛盾較拍住尖啤更大，因為尖啤愛國得嚟政治想法都仲係較開明，新人選卻係傳統建制派，相信擦出嘅火花更大。