印第安韋爾斯網賽負責人摩亞日前發表帶有歧視女子網球手的言論，事後因失言而辭職。一哥祖高域亦發牙痕，話男子網賽多人睇過女子賽，所以男球手嘅待遇好應該多過女球手。點知佢講完之後即刻辳咗，皆因佢喺舊年四大滿貫賽事贏咗650萬鎊獎金，表面上多過搵咗546萬鎊嘅細威，不過埋單一計，細威每分鐘執到2,262鎊，比每分鐘搵1,623鎊嘅祖高域多成600鎊，證實女球手嘅搵錢能力都好強，難怪細威認為喺網球壇應該男女平等，大家嘅獎金都一樣。