恒隆地產（101）傳訊助理董事關則輝（CF），喺公關界出晒名，原來佢有一個細佬關則豪，係有線寬頻（1097）執行董事兼財務總監（CFO）。關家可謂一門雙傑，不過佢兩兄弟好似唔多似樣。
睇番有線寬頻最新年報，關則豪52歲，2006年1月開始做CFO，翌年獲委任為執董。
有線董事會入面，執董只有主席吳天海同埋關則豪，真係一人之下，財務會計、企業發展、投資者關係、廣播、外購頻道等等都由他負責，可見佢對公司嘅重要性。
公司對關則豪都好慷慨，有線寬頻舊年蝕錢，佢都仲有人工加，由2014年人工連花紅321萬元，加到331萬元。今年基本薪金有223萬元，相比起2015年嘅217萬元高。
唔知關則豪可唔可以好似CF一樣成日拆彈，成功將有線扭虧為盈，唔使俾母公司九倉（004）策略評估呢？