藝術呢家嘢，雖則八方識條鐵，但都可以介紹番！香港半島酒店今日至下個月6號喺酒店大堂展出英國著名雕塑家、皇家藝術學院最年輕院士Conrad Shawcross RA嘅作品《The ADA Project》。
《The ADA Project》顛覆咗傳統創作模式，集雕塑、機械人同音樂創作於一身。Conrad Shawcross重新編定咗一個機械臂，令機械人可以表演4套預先設定嘅「舞蹈動作」，然後向每位作曲家表演一套指定舞蹈動作，再啟發作曲家以音樂回應。唔多明？都話藝術嘅嘢，深奧難明，等八方再試吓解釋。酒店同時安排英國作曲家Mira Calix作4次現場表演，同裝置互動一番，裝置喺其餘時間處於「Salon Mode」，每日以點唱機形式表演全部動作。