Tesla新車Model 3將會在3月31日發表，所有車迷應該等到頸都長。雖然這台車的外觀和細節都未出，可是其預訂細節卻率先出爐，在它們的官網已經刊登了細節。首先在發表新車的同一日，即31日，全球可以立即預訂新車，無錯，即是包括香港，但由於時差關係，香港網上預訂時間是4月1日的11:30am，而訂金只要10,000港元。唔想上網訂，可以去showroom。
官方已講明Model 3最快都要在2017年年底才會投產，而收車的次序依排列是北美洲、歐洲、亞洲。好像很快，但慢着，因為香港是右軚，而右軚是排到最後。即是好可能到2019年才有車到手。突然要考慮一下？ 到時可能已經大把電能車？Tesla可能都知道要車迷等，所以寫明若到時你想退訂，10,000港元訂金是可以全數拿回的。而且若你是Model S
或Model X車主，可以早一點收車。條氣又突然順番好多了吧？
記者︰梁立勤
