身邊不少朋友都有需要中、港兩邊走，雙卡雙待手機邊部好？成為不斷纏繞又重復的問題！剛剛發現了一部Zenfone MAX，感覺是相當實用型的好使！
第一吸引點價大品牌，ASUS大廠出品，5.5吋1,280 X 720大芒，配Snapdragon四核心，2GB RAM、16GB ROM，以$1,180的低價，其實已經好過不少國產機了！
不過最重要是它的SIM1及SIM2卡槽，都同樣對應中國移動及聯通的雙網絡4G，以現時市面同位機中，就真係比較難搵了！再加上佢機身內置5,000mAh電池（不可換電池），遠較一般所謂的大牌子旗艦手機，多出了近1,000mAh！粗略估計，就算點樣打機、上網又睇片，一日的使用時間，應該都絕對夠用有餘；更鬼馬是此機仲可以兼任尿袋功能，5,000mAh用唔使之時，仲可以放電供其他手機叉電。
另外機身還有microSD卡插槽，是獨立分拆開來的設計！須知好多同類雙卡雙待手機，要插microSD的話，好多時都要佔用其中一個SIM卡位，如此平價的手機都肯獨立開來，設計上非常有誠意，對喜歡搭車時睇片聽歌的人士，絕對是一個佳音。
沒有缺點嗎？非也！這部手機暫時香港未有行貨，所以是用國內水貨機形式抵港，不過幸好還是裝有google play及代理維修保養。
查詢：麗達屋（深水埗長沙灣道226-242深之都商場1樓29-30號舖）
記者、攝影：朱崇德
