政界有唔少「潮人」，香港潮屬社團總會特別為此舉行《潮拼天下》活動（圖），頒獎畀夠潮又夠拼嘅架己冷，包括行會成員陳智思，以及有男神之稱嘅青年事務委員會主席劉鳴煒，由政務司司長林鄭月娥負責頒獎。陳智思話自己唔係一帆風順，早期患病（先天性心血管病），事業上亦有好大挑戰，但每次不愉快經驗，都係改善自己嘅機會。舉動頻頻嘅劉鳴煒指成功離唔開勤奮同用心做事，強調遇上挫折，只要有團火堅持定會成功，仲話年輕人最重要搵到自己興趣。